८) (गुगली) "मंदीची नांदी"

२१ || प्रियेचा तो बंधू ||

प्रियेचा तो बंधू

गुत्त्यावर दिस्तो
झिंगलेला अस्तो
रात दिनी || १ ||

बाप अडबंग
लेक खांब लांब
पिळलेला सुंब
भासतसे || २ ||

अडलेला शब्द
अडलेली वाचा
मदिराच त्याच्या
जळी तळी || ३ ||

बापास मी भ्यालो
लेका पुढे गेलो
अर्ध मेला झालो
दर्पानेच || ४ ||

एक-एक रत्न
अजब ते भारी
पुन्याईच खरी
घराण्याची || ५ ||

- रमेश ठोंबरे

२१. || सोन्याहून सोनसळी ||

सोन्याहून सोनसळी

फुलाहून गोड कळी
कधी अफुचीच गोळी
प्रिया माझी || १ ||

मन नाही थाऱ्यावर
कोकीळाच तारेवर
चांदनीच धरेवर
प्रिया माझी || २ ||

नवतिचे रोप आहे
रोज नवे रूप दावी
रोज नवे वेड लावी
प्रिया माझी || ३ ||

सावलीच उन्हातली
परतली झाडाखाली
आणि पुन्हा वेडावली
प्रीया माझी || ४ ||

फैलावता हात दोन्ही
मिठीत न विसावली
का, न कधी लाडावली ?
प्रिया माझी || ५ ||

- रमेश ठोंबरे