९. || लागता समाधी ||

लागता समाधी
प्रियेच्या भक्तीची |
परीक्षा शक्तीची
नको नको || १ ||

मोडेल समाधी
कोणी एक नर |
दुर्जन तो ठार
समजावा || २ ||

हासन्यावरी का
नेता प्रिया संग |
समाधीत भंग
आणू नये || ३ ||

प्रियेची महती
तुम्हास ना ठाव |
पूजताती देव
दगडाचे || ४ ||

रमा म्हणे मज
सर्वाचा कंटाळा |
एक प्रियतमा
आवडसी || ५ ||

- रमेश ठोंबरे

८. || प्रियेची ती भेट ||

प्रियेची ती भेट
पहिलीच झाली |
स्वप्नी मम आली
पहाटेच्या || १ ||

पहाटेचे स्वप्नं
उलटे प्रहर |
आता तो विरह
साहवेना || २ ||

भेटेल ती कधी
लागलीच आस |
घेतला मी ध्यास
पहाटेचा || ३ ||

पहाटेच स्वप्नं
सत्यात ते आलं |
दर्शन ते दिले
आज पुन्हा || ४ ||

संपणार कधी
स्वप्नांचा हा खेळ |
काढ आता वेळ
सत्यातही || ५ ||

- रमेश ठोंबरे

७. || दर्पणात पाहे ||

दर्पणात पाहे,

प्रिया तिचे रूप |
दर्पणहि खूप
लाजतसे || १ ||

प्रियेच्या रूपाचा,
तोही का दिवाना |
न जाने जमाना
मर्म याचे || २ ||

दावितो प्रियेला,
रोज नवी छबी |
हीच त्याचे खुबी
भुलविते || ३ ||

घळली म्हणुनी,
प्रिया दर्पणास |
देई दर्शनास
वेळ त्याला || ४ ||

तो हि मग थोडा
फुगवी छातीस |
दाखवी ख्यातीस
जमाण्याच्या || ५ ||

- रमेश ठोंबरे