|| बघा बघा कसा माझा खातोय सखा ||

या बाबा या,
बघा बघा कसा माझा खातोय सखा ll१ll

दिसत नसे,
हळुहळु कसा माझा सखा खातसे ll२ll

डोळे फिरवीतो ,
टुकु टुकु कश्या हिरव्या नोटा बघतो ll३ll

बघा बघा तो,
टेबलाच्या खालूनच कसा हसतो ll४ll

मला वाटते,
याला बाई सारें काही कसे कळते ll५ll

सदाच खातो,
कधि नको म्हणुनी न मागे वळतो ll६l

शहाणा कसा !
खावूनिया ढेकर न देतो दिवसा ll७ll

- रमेश ठोंबरे
(या बाई या चे विडंबन) दत्तात्रय कोंडो घाटे यांची माफी मागून