पुरे जाहली आता तुतारी
अन शांतीचे डोस पाजणे
शस्त्रा पुढती शस्त्र टाकणे
नामर्दाचे ठरेल जिने ||
देश खाती अन पचवति
अजगर हे सुस्तावले
जनतेच्या टाळूचे लोणी
खाऊन पुरते निर्ढावले ||
भ्रष्टाचारी षंड माजता
दंड तयांना देणार मी
ढुंगनावरी लाथ मारण्या
समीप त्यांच्या जाणार मी |
घोट घेयील त्या नरडीचा
सोयच त्यांची करेल मी
आता त्यांची उठेल तिरडी
नच चौथा खांदा ठरेल मी ||
चिरून टाकीन उभे नि आडवे
ख्यातीच्या त्या गुंडांना
उडवील त्यांची आता शकले
जाऊन सांगा षंडाणा ||
पुरे जाहली आता तुतारी
पहा क्रांतीचे विरले वारे
जाळून टाकील भ्रष्टाचारी
आता मला ती मशाल द्या रे ||
- रमेश ठोंबरे
(Ramesh Thombre)
छान लिहिले आहे
ReplyDeleteपुढील लिखाणासाठी खुप खुप शुभेच्छा!
माझ्या अनुदिनीचा पत्ता:http://prashantredkarsobat.blogspot.com/