आळस महात्म्य, सांगतो तुम्हासी |
जवळीक खासी, वाढवावी || १ ||
आळस आळस, वाढवावा नित्य |
हेच एक कृत्य, आवडसी || २ ||
जवळीक खासी, वाढवावी || १ ||
आळस आळस, वाढवावा नित्य |
हेच एक कृत्य, आवडसी || २ ||
आळसाने केले, जगणे काबीज |
गळ्यात ताबीज, मिरवतो || ३ ||
आळस मला रे, प्राणाहून प्रिय |
मिळविण ध्येय, योजिलेले || ४ ||
उठतो मी रोज, दुपार प्रहरी |
दिसे मग हरी, पेंगलेला || ५ ||
आळसासाठी मी, राबतोय रोज |
आळसाचे व्याज, मिळवीन्या || ६ ||
वाढवा जीवन, वाढवा आळस |
वाढवा कळस, आळसाचा || ७ ||
द्यावी रे ताणून, सकाळी दुपारी |
संधी पुन्हा भारी, रात्री आहे || ८ ||
आळसासाठी हो, करू नका काही
प्रसन्न तो होई, आपसूक || ९ ||
सांगतो रमेश, नको रे आळस,
लावण्या तुळस, आळसाची || १० ||
- रमेश ठोंबरे
Ramesh Thombre
No comments:
Post a Comment